Tu Sun Raha Hai? Poetic Reflection
Summary
Bangwing IN shares a raw, emotional poem titled Tu Sun Raha Hai? that explores love, loss, longing, and a plea for one meaningful moment. The announcement captures intense feelings of waiting, unanswered questions, and the request to take everything but leave a single moment. It invites community empathy, discussion, and support around themes of heartbreak and reflection.
Tu sab deta hai jo main na maangu.
Aur jo main maangu...
Woh le leta hai.
Toh phir yeh hisaab mujhe samajh nahi aata.
Log kehte hain tu bahut deta hai.
Haan deta hai.
Saansein di.
Zindagi di.
Log diye.
Mauke diye.
Par jis ek cheez ke liye maine pehli baar haath failaya...
Usi par tera dil tang ho gaya.
Kya fayda uss daulat ka
Jisne mujhe kabhi ameer mehsoos hi nahi karaya?
Kehte hain tera plan bada hai.
Kehte hain aaj jo dard lag raha hai,
Kal uska matlab samajh aayega.
Kehte hain tu mujhse zyada jaanta hai.
Kehte hain tujhe pata hai mere liye kya behtar hai.
Par kabhi mujhse poocha?
Kabhi jaana ki mujhe kya chahiye?
Ya phir meri khwahishon ka koi wazan hi nahi?
Kya farq padta hai na...
Main kya chahta hoon.
Faisla toh aakhir tera hi hona tha.
Par mujhe matlab nahi chahiye.
Mujhe woh chahiye.
Samjha?
Mujhe woh chahiye.
Aur agar tujhe usse hi le jaana hai,
Toh phir meri chahat bhi le ja.
Yeh dil bhi le ja.
Roz uska naam leta hai.
Thak gaya hoga.
Yeh aankhen bhi le ja.
Har chehre mein usi ko dhoondhti rehti hain.
Yeh kaan bhi le ja.
Har awaaz mein uski aahat sunte hain.
Har notification par lagta hai shayad woh ho.
Meri neendein toh waise bhi tere paas hain.
Mere sukoon ka pata bhi tujhe hi maloom hai.
Toh phir sab le ja.
Meri rooh bhi le ja.
Kyunki sach bolu?
Main toh pehle hi usse de chuka hoon.
Aur agar uski yaadein bhi chubh rahi hain tujhe,
Toh woh bhi le ja.
Kya karunga unka?
Waise bhi har yaad ek zakhm hai,
Jo marne bhi nahi deta aur jeene bhi nahi.
Bas ek cheez chhod de.
Ek pal.
Bas ek pal.
Ek pal jahan main usse dekh sakun.
Ek pal jahan woh mujhe dekh le.
Ek pal jahan mujhe lage
Ki meri mohabbat mazaak nahi thi.
Par lagta hai
Tujhe woh pal bhi zyada lagta hai.
Kyun?
Kya main itna bhi kaabil nahi?
Ya phir teri duniya mein
Mere hisse ka ek pal bhi nahi likha?
Aakhir meri galti kya hai?
Mohabbat?
Teri marzi" kehkar maaf kar diya jata hai?
Kya tujhe dil nahi diya kisi ne?
Kya tune kabhi intezaar nahi kiya?
Kya tune kabhi kisi ko itna nahi chaha
Ki uske bina saans lena bewafai lage?
Ya meri awaaz bhi uski tarah
Tere paas pahunch kar laut aati hai?
Ya phir...
Tu sun raha hai aur chup hai.
Tu dekh raha hai aur chup hai.
Tu samajh raha hai aur chup hai.
Aur ek din jab main bhi chup ho jaunga,
Tab shayad tujhe meri baat samajh aaye.
Par usse pehle ek aakhri sawaal.
Kya tu waqai woh hai
Jaisa sab kehte hain?
Ya phir humne hi apni tanhaiyon ko tasalli dene ke liye
Tera naam rakh diya...
Aur tu bas khamosh khada raha...
Jab tak hum tujhe bulate rahe...
Kya tu sunn bhi raha hai
Bhagwan?
- Abeer
Toh haan.
Likho.
Maine mohabbat ki.
Had se zyada ki.
Kya kisi purani zindagi ke paap gin raha hai?
Toh ek paap aur likh le.
Likho...
Ki maine usse had se zyada mohabbat ki.
Ab bata.
Meri saza khatam kab hogi?
Ya teri kitaab mein
Mohabbat karne walon ki saza maut tak chalti hai?
Kabhi kabhi gussa nahi aata tujh par.
Taras aata hai.
Mere paas kuch nahi tha.
Sirf woh thi.
Aur tere paas sab kuch hai.
Phir bhi tu samajh nahi paaya
Ki ek insaan ke liye
Ek insaan hi poori duniya ho sakta hai.
Par ek baat bata...
Meri galtiyon ka hisaab rakhne wale,
Teri galtiyon ka hisaab kaun rakhta hai?
Jab tu kisi ka ishq usse door kar deta hai.
Jab tu kisi ki dua ko aadhe raste mein chhod deta hai.
Jab tu kisi ke hisse ka pal bhi usse cheen leta hai.
Toh uska dosh kaun likhta hai?
Ya phir teri har galti ko
"Teri marzi" kehkar maaf kar diya jata hai?
Kya tujhe dil nahi diya kisi ne?
Kya tune kabhi intezaar nahi kiya?
Kya tune kabhi kisi ko itna nahi chaha
Ki uske bina saans lena bewafai lage?
Ya meri awaaz bhi uski tarah
Tere paas pahunch kar laut aati hai?
Ya phir...
Tu sun raha hai aur chup hai.
Tu dekh raha hai aur chup hai.
Tu samajh raha hai aur chup hai.
Aur ek din jab main bhi chup ho jaunga,
Tab shayad tujhe meri baat samajh aaye.
Par usse pehle ek aakhri sawaal.
Kya tu waqai woh hai
Jaisa sab kehte hain?
Ya phir humne hi apni tanhaiyon ko tasalli dene ke liye
Tera naam rakh diya...
Aur tu bas khamosh khada raha...
Jab tak hum tujhe bulate rahe...
Kya tu sunn bhi raha hai
Bhagwan?
By Abeer
